Mukiriya, hamagara kuri 0783734945 tukwamamarize ibikorwa

INKURU ZIGEZWEHO

Video - Nijeriya: Abanyeshuri babarirwa mu magana baburiwe irengero



Yanditswe na UZABAKIRIHO Jean Gabriel Yasomwe na

Muri Nijeriya abanyeshuri baharurwa mu majana baburiwe irengero inyuma y’igitero abitwaje intwaro bagabye ku ishuri ryisumbuye riri muri Leta ya Katsina mu buraruko bw’icyo gihugu.

Icyo gitero cyagabwe ku munsi wa gatanu mw’ijoro. Abakigabye bari ku ma moto batanye mu mitwe na Polisi mu kiringo cy’isaha irenga nkuko umuvugizi wa polisi muri Nijeriya abivuga. Uwo muvugizi ntiyatomoye niba hari abaguye muri uko gutana mu mitwe cyangwa bagikomerekeyemo.

Bamwe mu bana bashoboye gutoroka babwiye igitangazamakuru cy’abongereza, Reuters, ko batorotse bava mw’ishyamba bari batwawemo. Ababyeyi barereye kuri iryo shuri rya Reta ryigisha siyansi rikigaho abana b’abahungu gusa, nabo bazindutse basaba Reta gukora ibishoboka byose bakongera kubona abana babo.

Abantu bitwaje intwaro bakunze kugaba ibitero muri Nijeriya bakanashimuta abantu, bongera banasahura. Mu kwezi kwa munani uno mwaka, banyuruje umwigisha n’abanyeshuri bo ku ishure riri muri Reta ya Kaduna ifatanye n’iyo ya katsina. Abo ariko baje kurekurwa habanje gutangwa amafaranga atatangajwe uko angana.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO