Mukiriya, hamagara kuri 0783734945 tukwamamarize ibikorwa

INKURU ZIGEZWEHO

Umuyobozi w’Ishuri yafatiwe mu biro bye ahasambanyiriza umwana w’imyaka 15



Yanditswe na UZABAKIRIHO Jean Gabriel Yasomwe na

Umuyobozi w’Ishuri rimwe riherereye ahitwa Ashanti mu Gihugu cya Ghana, yaguwe gitumo mu biro bye ari gusambanya umwana w’umukobwa w’imyaka 15.

Uyu muyobozi w’Ishuri ryitwa Offinso JHS ngo yasambanyije uriya mwana w’umukobwa abanje kumufungirana mu biro bye.

Amashusho yakwirakwijwe ku mbuga nkoranyambaga, agaragaza abantu benshi bafungura ibiro by’uyu muyobozi ubundi bakamusangana n’uriya mukobwa.

Abaturage bo muri kariya gace binjiye mu biro by’uyu muyobozi w’ikigo ari benshi batangira kumuhagata, agerageza gusohoka ngo ahunge ariko bamubera ibamba.

Amakuru kandi avuga ko uriya muyobozi-gito atari ubwa mbere asambanyije uriya mwana w’umukobwa ahubwo ko yari yarabigize akamenyero none iminsi imubereye nka ya yindi 40 y’igisambo.

Inzego z’ubutabera muri kiriya Gihugu cya Ghana, zitangaza ko kuba uriya mwana w’umukobwa wasambanyijwe akiri muto bishobora gutuma uriya muyobozi w’ishuri ashobora gukatirwa igifungo cy’imyaka myinshi mu gihe yaba ahamwe n’icyaha.





Inkuru Byerekeranye Wakunda


Tanga Igitekerezo

Twibire !
Igitekerezo Cyawe

KWAMAMAZA

Video NSHYA

UBUBIKO