Ishyirahamwe rya Ruhago mu Bwongereza (FA) ryashinje Ikipe ya Chelsea FC ibirego 74 byo gukorana n’abahagarariye abakinnyi n’abashoramari mu buryo bunyuranyije n’amategeko hagati ya 2009 na 2022.
Ibirego iyi kipe ishinjwa birebana cyane n’ibikorwa byabaye mu myaka y’imikino ya 2010/11 na 2015/16, icyo gihe yayoborwaga n’Umurusiya Roman Abramovich hagati ya 2003 na 2022.
Iri shyirahamwe rivuga ko Chelsea yishe amategeko mu kugura abakinnyi ikorana n’ababahagarariye ndetse n’izindi sosiyete zo ku ruhande zidafite aho zihuriye na bo.
Iyi kipe y’i Londres kandi yasabwe gutanga ibisobanuro bitarenze tariki ya 19 Nzeri 2025.
Mu gihe iyi kipe yahamwa n’ibi byaha, yahanishwa gucibwa ihazabu, kubuzwa kugura abakinnyi cyangwa gukurwaho amanota.
