Perezida Paul Kagame ari kumwe n’umunyabigwi Francis Ngannou, na Mauricio Sulaimán uhagarariye Ihuriro ry’Imikino y’Iteramakofe ku Isi (WBC), Mauricio Sulaimán, bifatanyije n’Abanyarwanda mu mikino y’irushanwa rya PFL Africa yabereye muri BK Arena.
Ku nshuro ya mbere mu Rwanda ndetse no muri Afurika y’Iburasirazuba habereye irushanwa rikomeye mu mikino ya MMA (Mixed Martial Arts), yahurije hamwe abakinnyi bakomeye muri Afurika.
Ni imikino ya ½ yakiniwe muri BK Arena kuri uyu wa Gatandatu, tariki ya 18 Ukwakira 2025, yitabirwa n’Abanyarwanda batandukanye.
Mu bakurikiye imirwano 11 yahabereye harimo na Perezida Kagame wageranye muri BK Arena n’umunyabigwi muri uyu mukino, Francis Ngannou na Mauricio Sulaimán uhagarariye WBC.
U Rwanda rwari ruhagarariwe na James Bizimungu Opio wakinnye na Isaac Omeda wo muri Uganda bombi bakanganya amanota 28.
