Perezida Samia Suluhu Hassan yashyizeho Minisitiri w’Intebe mushya wa Tanzania.
Ibi bibaye nyuma y’amatora yo ku wa 29 Ukwakira yateje impaka n’urupfu ku batari bacye muri Tanzania.
minisitir w’intebe mushya wa tanzania
Dr. Mwigulu Nchemba wagizwe Minisitiri w’Intebe mushya, si mushya muri politiki y’iki gihugu kuko asanzwe ari minisitiri w’imari muri guverinoma.
Iyi nzobere mu bukungu yigeze kuyobora inzego z’ingenzi muri Tanzania nk’Ubuhinzi, Ubutabera, n’Umutekano ,akaba yagiriwe ikizere agirwa minisitiri w’intebe.
Amatora aheruka yateje imyigaragambyo n’imfu z’abantu, ONU ivuga ko ari amagana, bishwe n’inzego z’umutekano. Leta ntiravuga umubare w’abapfuye muri iyo myigaragambyo.
Ubusanzwe, Nchemba avuga ko aharanira ubumwe bw’igihugu, kumva ijwi ry’abaturage no gushyira imbere iterambere ry’ubukungu.
Biteganyijwe ko Nchemba abanza kwemezwa n’inteko ishinga amategeko nka minisitiri w’intebe mushya, binyuze mu matora ,akabona kujya munshingano.
